పవర్ స్టార్ పవన్ కళ్యాణ్ తన రాజకీయ, సినిమా సమయాలను సమతుల్యంగా బలమైన నిర్ణయాలతో ముందుకు తీసుకెళ్తున్నారు. ఇప్పటికే హరిహర వీరమల్లు షూటింగ్ పూర్తిచేసిన పవన్, ఇప్పుడు ఓజీ ముగింపు దశలో ఉన్న వేళ, అభిమానులు ఆసక్తిగా ఎదురుచూస్తున్న మరో భారీ ప్రాజెక్ట్ ఉస్తాద్ భగత్ సింగ్పై దృష్టి సారించారు.
ఈ సినిమా కోసం పవన్ జూన్ 12 నుంచి భారీ షెడ్యూల్ కోసం డేట్స్ కేటాయించినట్టు సమాచారం. ఈ షెడ్యూల్‌లో ఎక్కువ భాగం కీలక సన్నివేశాల చిత్రీకరణ జరగనుంది. దర్శకుడు హరీష్ శంకర్ పక్కా ప్రీ-ప్రొడక్షన్ పనులతో వేగంగా పనులు పూర్తి చేయాలని చూస్తున్నాడు.
మాస్ కమర్షియల్ ఎలిమెంట్స్‌తో పవన్ అభిమానులకు విపరీతమైన ఫెస్టివల్ ఇవ్వాలని హరీష్ శంకర్ ఫుల్ స్కెచ్ వేసినట్టు సమాచారం. సినిమాలో శ్రీలీల హీరోయిన్‌గా కనిపించనుండగా, మ్యూజిక్ డైరెక్టర్ దేవిశ్రీ ప్రసాద్ మరోసారి పవన్ కోసం స్పెషల్ ఆల్బమ్ అందిస్తున్నారు.
ఈ సినిమాను మైత్రి మూవీ మేకర్స్ అత్యంత భారీ స్థాయిలో నిర్మిస్తున్నారు. పవన్ పవర్ఫుల్ డైలాగ్స్, ఎనర్జిటిక్ స్క్రీన్ ప్రెజెన్స్‌తో ఈ సినిమా మాస్ ఫ్యాన్స్‌కు రెడీ అవుతోంది.
Pawan Kalyan, Ustaad Bhagat Singh, Harish Shankar, Sreeleela, DSP Music,