మహేష్ రిజెక్ట్ చేయడంతో హృతిక్ వెనక్కా?
బాలీవుడ్‌ రామాయణ ప్రాజెక్ట్‌ గురించి హాట్ టాపిక్ నెట్టింట చక్కర్లు కొడుతోంది. రణబీర్ కపూర్ రాముడిగా, సాయి పల్లవి సీతగా, యష్ రావణుడిగా నటిస్తున్న ఈ భారీ చిత్రానికి నితేష్ తివారీ దర్శకత్వం వహిస్తున్నారు.
తాజాగా బయటకు వచ్చిన గ్లింప్స్‌కి స్పందన గగనానికి ఎగసింది. అయితే ఇందులో మహేష్ బాబు పేరు కూడా ముందే వినిపించిందట. మొదట రాముడి పాత్రకు నితేష్ తివారీ మహేష్ బాబునే కోరారట.
మహేష్ బాబు ఆసక్తితో స్పందించినప్పటికీ, ఆయన రాజమౌళి ప్రాజెక్ట్‌తో బిజీగా ఉండటంతో రామాయణం నుంచి తప్పుకున్నట్టు ప్రచారం జరిగింది.
అదే సమయంలో హృతిక్ రోషన్ రావణుడిగా చేయాలనుకున్నా, మహేష్ అంగీకరించకపోవడంతో తాను కూడా తప్పుకున్నట్టు కథనాలు వినిపిస్తున్నాయి.
ఇదే నిజమైతే, మహేష్ నిర్ణయం రామాయణ్ పై ప్రభావం చూపినట్టే. ప్రస్తుతం రణబీర్, యష్, సాయి పల్లవి కాంబినేషన్‌పై భారీగా ఆసక్తి నెలకొంది.