నాచురల్ స్టార్ నాని నటించిన సస్పెన్స్ థ్రిల్లర్ “హిట్ 3” థియేటర్లలో విజయవంతంగా పరుగులు పెట్టిన విషయం తెలిసిందే. శైలేష్ కొలను దర్శకత్వంలో తెరకెక్కిన ఈ క్రైమ్ థ్రిల్లర్ ప్రేక్షకులను థ్రిల్ చేస్తూ నానికి భారీ ఓపెనింగ్స్ అందించింది.
రివ్యూస్ పరంగానూ మంచి మార్కులు వచ్చిన ఈ సినిమా ఇప్పుడు ఓటిటీలో రీ ఎంట్రీ ఇవ్వడానికి సిద్ధమవుతోంది.
ఈ చిత్రానికి ఓటిటి హక్కులు ప్రముఖ స్ట్రీమింగ్ జెయింట్ నెట్‌ఫ్లిక్స్ సొంతం చేసుకుంది. తాజాగా నెట్‌ఫ్లిక్స్ మే 29న “హిట్ 3” స్ట్రీమింగ్ కానుందని అధికారికంగా ప్రకటించింది. థియేటర్లలో మిస్ చేసిన వారు ఇప్పుడు ఈ క్రైమ్ మిస్టరీను ఇంట్లోనే ఆస్వాదించవచ్చు.
ఈ చిత్రంలో శ్రీనిధి శెట్టి కథానాయికగా మెప్పించగా, అడివి శేష్, విశ్వక్ సేన్ క్యామియో పాత్రలతో ఆకట్టుకున్నారు. మిక్కీ జే మేయర్ అందించిన నేపథ్య సంగీతం థ్రిల్ ను పెంచింది.
మర్డర్ మిస్టరీల మిక్స్ అయిన ఈ చిత్రం హిట్ ఫ్రాంచైజ్‌లో మరో సాలిడ్ అడిషన్‌గా నిలిచింది. నానికి ఇది వరుసగా నాలుగో హిట్ కావడం విశేషం.