పవన్ కళ్యాణ్ ప్రధాన పాత్రలో తెరకెక్కిన పీరియాడిక్ యాక్షన్ డ్రామా హరిహర వీరమల్లు జులై 24న విడుదల కానుంది. ఈ సందర్భంగా జరిగిన ప్రెస్ మీట్‌లో పవన్ చేసిన వ్యాఖ్యలు హాట్ టాపిక్‌గా మారాయి.
పవన్ మాట్లాడుతూ, నిర్మాత ఏఎం రత్నం గారి మౌనమే తనను ఈ ప్రెస్ మీట్‌కు రప్పించిందన్నారు. ఆయన ఎంతో సహనంగా సినిమాను పూర్తి చేశారని తెలిపారు. జ్యోతి కృష్ణ, కీరవాణిలు కూడా సినిమా ప్రయాణంలో కీలక పాత్ర పోషించారని వెల్లడించారు.
ప్రతిపక్షాలు విమర్శిస్తున్నా, తనపై సినిమా చేసిన రుణం ఉండడంతో మౌనంగా సహకరించారని పవన్ చెప్పుకొచ్చారు. ప్రెస్ మీట్‌కు వచ్చిన అసలు కారణం రత్నం గారి మంచితనాన్ని అందరికీ చెప్పడమేనని చెప్పారు.
ఇక చివరగా పవన్ కళ్యాణ్ ఒక సంచలన ప్రతిపాదన చేశారు. రత్నం గారిని ఆంధ్రప్రదేశ్ ఫిల్మ్ డెవలప్మెంట్ కార్పొరేషన్ ఛైర్మన్ గా చేయాలని సూచించారని వెల్లడించారు. తెలుగు పరిశ్రమను అభివృద్ధి చేయడంలో ఆయన పాత్ర కీలకమవుతుందని పేర్కొన్నారు.
టాలీవుడ్ అనే పదం కన్నా, హాలీవుడ్ స్థాయిలో పనితీరు ఉండాలని పవన్ అభిప్రాయపడ్డారు. సినిమా రిలీజ్ ముందు వరుస ఇంటర్వ్యూలు ఇస్తానని, వీరమల్లు అందరికీ మంచి అనుభూతి కలిగించే సినిమా అవుతుందని హామీ ఇచ్చారు.