విజయ్ దేవరకొండ, రష్మిక మందన్న.. టాలీవుడ్లో ఈ జంట ప్రేమ వ్యవహారం ఓ ఓపెన్ సీక్రెట్. ఇద్దరూ అధికారికంగా ప్రకటించకపోయినా, వారి హావభావాలు, కలిసి కనిపించే సందర్భాలు అన్నీ చెప్పకనే చెబుతున్నాయి. ఇటీవల రష్మిక ఓ కార్యక్రమంలో “అందరికీ తెలిసిందేగా” అన్నట్లు చేసిన వ్యాఖ్యలు, వారి ఎంగేజ్మెంట్ వార్తలు ఈ బంధాన్ని మరింత బలపరిచాయి. అయితే, వీరి ప్రేమకథ ఎప్పుడు మొదలైందనే దానిపై ఓ ఆసక్తికరమైన చర్చ నడుస్తోంది.
చాలా మంది వీరిద్దరి మధ్య ప్రేమ ‘డియర్ కామ్రేడ్’ సినిమా సమయంలో బలపడిందని భావిస్తారు. ఆ సినిమాలో వారి కెమిస్ట్రీ, ఆ తర్వాత వారి స్నేహం చూసి ఇదే నిజమని నమ్మారు. కానీ, అసలు కథ అంతకు ముందే, ‘గీత గోవిందం’ సెట్స్లోనే మొదలైందని చెప్పడానికి కొన్ని బలమైన ఆధారాలు కనిపిస్తున్నాయి. దీనికి సంబంధించిన క్లూస్ బాలకృష్ణ ‘అన్స్టాపబుల్’ టాక్ షోలోనే దొరికాయి.
‘యానిమల్’ సినిమా ప్రమోషన్ల కోసం రష్మిక, రణబీర్ కపూర్, సందీప్ రెడ్డి వంగా బాలయ్య షోకు వచ్చారు. ఆ షోలో ‘అర్జున్ రెడ్డి’ పోస్టర్ చూపించినప్పుడు, ఆ సినిమాతో తనకు ఓ “ప్రత్యేక కనెక్షన్” ఉందని రష్మిక అన్నారు. ఏంటా కనెక్షన్ అని రణబీర్ సరదాగా అడగ్గా, తాను హైదరాబాద్కు షిఫ్ట్ అయ్యాక మొదట చూసిన సినిమా అదేనని రష్మిక తెలివిగా సమాధానమిచ్చారు.
అక్కడే అసలు ట్విస్ట్ ఇచ్చాడు రణబీర్ కపూర్. “మా డైరెక్టర్ సందీప్, రష్మికను మొదటిసారి కలిసింది ‘అర్జున్ రెడ్డి’ సక్సెస్ పార్టీలోనే. ఆ పార్టీ విజయ్ దేవరకొండ ఇంట్లో జరిగింది” అని రణబీర్ బయటపెట్టాడు. అంటే, ఆ పార్టీకి విజయ్ స్వయంగా రష్మికను ఆహ్వానించాడనేది స్పష్టం. సరిగ్గా ఆ సమయానికే ‘గీత గోవిందం’ షూటింగ్ కూడా ప్రారంభమైందని సమాచారం.
దీన్ని బట్టి చూస్తే, ‘గీత గోవిందం’ షూటింగ్ మొదలైన తొలి రోజుల నుంచే విజయ్, రష్మికల మధ్య ప్రేమ చిగురించిందని అర్థమవుతోంది. ‘అర్జున్ రెడ్డి’ పార్టీకి ఆమె హాజరు కావడమే దీనికి నిదర్శనమని సోషల్ మీడియాలో విశ్లేషణలు వస్తున్నాయి. ‘డియర్ కామ్రేడ్’ నాటికి వీరి బంధం మరింత బలపడి ఉండవచ్చు.
ఏది ఏమైనా, విజయ్-రష్మిక జోడీ టాలీవుడ్లో బెస్ట్ కపుల్గా నిలుస్తుందని ఫ్యాన్స్ బలంగా నమ్ముతున్నారు. వీరిద్దరి కాంబినేషన్లో మరో సినిమా కోసం ప్రేక్షకులు ఆసక్తిగా ఎదురుచూస్తున్నారు.