పవర్ స్టార్ పవన్ కళ్యాణ్ నటిస్తున్న హిస్టారికల్ ఎపిక్ చిత్రం హరిహర వీరమల్లు: స్వోర్డ్ వర్సెస్ స్పిరిట్ విడుదలకు ఎంతో సమయం లేదు. జూలై 24న వరల్డ్వైడ్గా గ్రాండ్ రిలీజ్ చేయనున్న ఈ చిత్రంపై ఇప్పటికే భారీ అంచనాలు నెలకొన్నాయి. పోస్టర్స్, టీజర్, సాంగ్స్, ట్రైలర్ భారీ హైప్ను క్రియేట్ చేశాయి.
తాజాగా మేకర్స్ ఇచ్చిన అప్డేట్ ఫ్యాన్స్ను మరింత ఉత్సాహానికి గురి చేసింది. వీరమల్లు సినిమా టికెట్ బుకింగ్స్ను జూలై 10 నుంచి ప్రారంభించబోతున్నట్లు ప్రకటించారు. స్పెషల్ ప్రీమియర్ షోస్పై ఓవర్సీస్ ఫ్యాన్స్ ఆసక్తిగా ఎదురుచూస్తుండగా, ఈ బుకింగ్ డేట్ వారి కోసం అదిరిపోయే గిఫ్ట్గా మారింది.
ఓవర్సీస్లో ముందస్తుగా థియేటర్లను బ్లాక్ చేసేందుకు డిస్ట్రిబ్యూటర్లు సిద్ధమవుతుండగా, మొదటి రోజు ప్రీమియర్ షోలు సాల్డ్ అవుట్ అవుతాయన్న నమ్మకంతో అభిమానులు ఎదురుచూస్తున్నారు. వీరమల్లు బాక్సాఫీస్ను షేక్ చేయడానికి గ్రౌండ్ కట్టబోతున్నాడన్నది ట్రేడ్ వర్గాల అంచనా.
ఈ చిత్రంలో పవన్ కల్యాణ్ ఓ వారియర్ పాత్రలో నటిస్తున్నారు. నిధి అగర్వాల్ హీరోయిన్గా కనిపించగా, బాబీ డియోల్ ఔరంగజేబ్గా కీలక పాత్ర పోషిస్తున్నాడు. సునీల్, భరణి తదితరులు కూడా ప్రధాన పాత్రల్లో ఉన్నారు.
పవన్ సినిమా అంటేనే హైప్, అది వీరమల్లుగా వస్తే.. బుకింగ్స్ విషయంలో వండర్స్ ఖాయం అంటున్నారు అభిమానులు. జూలై 10 తర్వాత టికెట్ ఖాతాల్లో ఎలాంటి సంచలనం మొదలవుతుందో చూడాలి.
pawan kalyan, hari hara veera mallu, advance bookings, july 10 release, krish direction,