టాలీవుడ్లో రాజమౌళితో సినిమా అంటే గ్లోబల్ ఇమేజ్ గ్యారెంటీ. అయితే అవుట్పుట్ కోసం నటీనటులను పిండేస్తారని, పర్ఫెక్షన్ కోసం చుక్కలు చూపిస్తారని జక్కన్నకు ఇండస్ట్రీలో ఒక పేరుంది. ఇప్పుడు ఆ వంతు సూపర్ స్టార్ మహేష్ బాబుకి వచ్చింది.
ప్రస్తుతం వస్తున్న వార్తల ప్రకారం మహేష్ బాబు వారణాసి సినిమా కోసం తన కెరీర్లో ఎప్పుడూ పడనంత కష్టపడుతున్నట్లు అర్థమవుతోంది. ఈ సినిమాలో మహేష్ బాబు ఏకంగా 5 విభిన్న అవతారాల్లో కనిపించబోతున్నారట. రాముడు, రుద్ర పాత్రలతో పాటు మరో మూడు గెటప్స్ కూడా ఉన్నాయని ఇన్ సైడ్ టాక్.
తన కెరీర్లో మహేష్ ఎప్పుడూ ద్విపాత్రాభినయం కూడా చేయలేదు. అలాంటిది 5 పాత్రలంటే మాటలు కాదు. ఒక్కో పాత్రకు ఒక్కో బాడీ లాంగ్వేజ్ వాయిస్ మాడ్యులేషన్ చూపించాలి.
ఈ ఐదు గెటప్స్ కోసం మహేష్ ఫిజికల్గా చాలా మారాల్సి వస్తోంది. రుద్ర లుక్ కోసం జుట్టు పెంచి, కండలు పెంచి కొత్తగా తయారయ్యారు. రాముడి ఎపిసోడ్ షూటింగ్ కూడా పూర్తయ్యిందని అంటున్నారు.
దాదాపు వెయ్యి కోట్ల బడ్జెట్తో రూపొందుతున్న ఈ గ్లోబల్ ప్రాజెక్ట్కు రాజమౌళి ఎక్కడా రాజీ పడటం లేదు. జక్కన్న చేతిలో పడ్డాక ఎంతటి స్టార్ హీరో అయినా కరగాల్సిందే కొత్తగా మెరవాల్సిందే. ఈ కష్టం రేపు స్క్రీన్ మీద అద్భుతంగా మారుతుందని ఫ్యాన్స్ నమ్ముతున్నారు.