న్యూస్ డెస్క్: టీమ్ ఇండియా గెలిచిన ఏడాదిన్నరలోనే మరో టీ20 ప్రపంచకప్ రాబోతోంది. ఇది మరో మూడు నెలల్లోనే భారత్ శ్రీలంక సంయుక్త ఆతిథ్యంలో జరగనుంది. రికార్డు స్థాయిలో 20 జట్లు ఈ టోర్నీలో పాల్గొంటున్నాయి. టీమ్ ఇండియా డిఫెండింగ్ ఛాంపియన్గా బరిలోకి దిగుతోంది.
టోర్నీలో ఉన్న 20 జట్లను నాలుగు గ్రూపులుగా విభజించారు. ఈసారి భారత్ పాకిస్థాన్లు ఒకే గ్రూప్లో ఉన్నాయి. గ్రూప్-ఏలో పసికూనలైన అమెరికా, నమీబియా, నెదర్లాండ్స్ ఉండడం గమనార్హం. ఇదే టోర్నీకి హైలైట్.
భారత్లో పాకిస్థాన్ ఆటగాళ్లకు వీసాలు ఇవ్వకపోవడం వల్ల, పాక్ ఆడబోయే మ్యాచ్లన్నీ శ్రీలంకలోనే జరగనున్నాయి. ఒకవేళ భారత్ పాక్ ఫైనల్కు చేరినా, ఆ తుది పోరు కూడా లంకలోనే ఉంటుందని కథనాలొచ్చాయి.
ప్రస్తుతానికి సూర్య కుమార్ యాదవ్ సారథ్యంలోనే భారత్ బరిలో దిగుతుందని భావించవచ్చు. త్వరలో జరగనున్న దక్షిణాఫ్రికా, న్యూజిలాండ్ సిరీస్ల తర్వాత కెప్టెన్పై సెలక్టర్లు నిర్ణయం తీసుకునే అవకాశం ఉంది.
ఈసారి ఒమన్, యూఏఈ, నేపాల్ వంటి కొత్త జట్ల ఆటతీరును చూసే అవకాశం భారత అభిమానులకు లభిస్తుంది. ముఖ్యంగా నేపాల్ జట్టు ప్రదర్శన ఆసక్తికరంగా మారనుంది.
గత ప్రపంచకప్లో పాకిస్థాన్ను ఓడించిన అమెరికా, సంచలనాలు సృష్టించగలిగే నెదర్లాండ్స్ కూడా ఒకే గ్రూప్లో ఉండటం టోర్నీపై అంచనాలు పెంచుతోంది.