టాలీవుడ్లో ప్రతి ఏడాది సంక్రాంతి బాక్స్ ఆఫీస్ పెద్ద పండుగగా మారుతుంది. 2026కూ పరిస్థితి అలాగే ఉంది. ఇప్పటికే పలువురు స్టార్ హీరోలు తమ సినిమాలను ఈ సీజన్లో విడుదల చేయబోతున్నట్టు ప్రకటించారు. ఫ్యాన్స్, ట్రేడ్ వర్గాలు ఉత్కంఠగా ఎదురు చూస్తున్నాయి.
చిరంజీవి హీరోగా, అనిల్ రావిపూడి దర్శకత్వంలో రూపొందుతున్న మన శంకర వరప్రసాద్ గారు చిత్రం సంక్రాంతి బరిలోకి వస్తోంది. ఈ సినిమాలో వెంకటేష్ కూడా కీలక పాత్రలో నటిస్తుండటం విశేషం. షూటింగ్ను అక్టోబర్ నాటికి పూర్తిచేయాలని టీమ్ ప్లాన్ చేస్తోంది.
ప్రభాస్ నటిస్తున్న ది రాజా సాబ్ కూడా సంక్రాంతి రిలీజ్కు సిద్ధమవుతోంది. అసలు డిసెంబర్లో రావాల్సిన ఈ చిత్రం వీఎఫ్ఎక్స్ పనుల కారణంగా వాయిదా పడింది. ఇప్పుడు కొత్తగా జనవరి స్లాట్ను ఫిక్స్ చేశారు.
రవితేజ – కిషోర్ తిరుమల కాంబినేషన్లో వస్తున్న RT 76 కూడా సంక్రాంతికే వస్తోంది. ఫ్యామిలీ ఎంటర్టైనర్గా తెరకెక్కుతున్న ఈ సినిమాపై బజ్ పాజిటివ్గా ఉంది.
యంగ్ హీరో నవీన్ పోలిశెట్టి అనగనగా ఒక రాజు అనే చిత్రంతో జనవరి 14న థియేటర్లలోకి అడుగుపెడుతున్నాడు. డైరెక్టర్ మారీ తీసిన ఈ సినిమా ఫన్తో పాటు ఎమోషన్ కలబోతగా ఉంటుందని చెబుతున్నారు.
డబ్బింగ్ సినిమాల పోటీ కూడా ఉంది. దళపతి విజయ్ నటించిన జననాయకుడు జనవరి 9న విడుదల కాబోతోంది. పూజా హెగ్డే హీరోయిన్గా, బాబీ విలన్గా నటించారు.
మొత్తం మీద 2026 సంక్రాంతి బాక్స్ ఆఫీస్ వద్ద స్టార్ హీరోల హోరాహోరీ పోరు ఖాయం. కానీ షూటింగ్, వీఎఫ్ఎక్స్ ఆలస్యాల కారణంగా ఎవరి సినిమాలు నిజంగా రేసులో ఉంటాయో జనవరి వరకు స్పష్టత రానుంది.