దర్శకధీరుడు రాజమౌళి ప్రస్తుతం సూపర్ స్టార్ మహేష్ బాబుతో చేస్తున్న గ్లోబల్ ప్రాజెక్ట్ (SSMB29)తో బిజీగా ఉన్నారు. ఈ సినిమా అప్డేట్స్ కోసం ప్రపంచవ్యాప్తంగా అభిమానులు ఎదురుచూస్తుండగా, ఈ చిత్ర బృందం మధ్య జరిగిన ఓ సంభాషణలో జక్కన్న అసలు సిసలు డ్రీమ్ ప్రాజెక్ట్ ‘మహాభారతం’ గురించిన ఓ సంచలన విషయం లీక్ అయింది.
రాజమౌళి ఆ ప్రాజెక్ట్పై సైలెంట్గా పని మొదలుపెట్టేశారన్న వార్త ఇప్పుడు ఇండస్ట్రీని షేక్ చేస్తోంది. ఈ రహస్యం SSMB29 టీమ్ (రాజమౌళి, మహేష్, ప్రియాంక చోప్రా, పృథ్వీరాజ్ సుకుమారన్) మధ్య జరిగిన ఓ ప్రమోషనల్ చాట్ ద్వారా బయటపడింది.
మహేష్ బాబు సరదాగా రాజమౌళిని ఉద్దేశిస్తూ, “మీ డ్రీమ్ ప్రాజెక్ట్ మహాభారతంకు రివ్యూ ఇద్దామనుకుంటున్నా. నవంబర్లో అప్డేట్ ఇస్తానన్నారు, దయచేసి మాట నిలబెట్టుకోండి” అని అన్నారు.
దీనికి రాజమౌళి నవ్వుతూ, “ఇప్పుడే కదా మహేష్ మొదలైంది. ఒకదాని తర్వాత ఒకటి నెమ్మదిగా ఇద్దాం” అని సమాధానమిచ్చారు. ఈ ఒక్క మాటతో, జక్కన్న ‘మహాభారతం’ పనులు మొదలయ్యాయని అధికారికంగా తెలిసినట్లయింది.
ఈ పరిణామం అందరినీ ఆశ్చర్యపరుస్తోంది, ఎందుకంటే రాజమౌళి గతంలో చాలాసార్లు ‘మహాభారతం’ గురించి స్పందించారు. “నా ప్రస్తుత అనుభవం ఆ ఇతిహాసాన్ని తీయడానికి సరిపోదు, ఆ ప్రాజెక్ట్ మొదలుపెట్టడానికే మరో ఐదారేళ్లు పడుతుంది” అని ఆయన స్పష్టం చేశారు.
దీంతో SSMB29 తర్వాత చాలా గ్యాప్ తీసుకుని ఆ ప్రాజెక్ట్ను మొదలుపెడతారని అంతా భావించారు. కానీ, తాజా లీక్తో మహేష్ సినిమా పనులు జరుగుతుండగానే, ‘మహాభారతం’ స్క్రిప్టింగ్ పనులు కూడా సమాంతరంగా జరుగుతున్నాయని స్పష్టమైంది.
రాజమౌళి తన ప్రణాళికను వేగవంతం చేయడం వెనుక బాలీవుడ్ స్టార్ అమీర్ ఖాన్ ఉన్నారనే చర్చ కూడా జరుగుతోంది. అమీర్ ఖాన్ కూడా ‘మహాభారతం’ను తన కలల ప్రాజెక్టుగా ప్రకటించి, ఇప్పటికే తన టీమ్తో స్క్రిప్ట్ పనుల్లో నిమగ్నమై ఉన్నారు.
అమీర్ ఖాన్ వేగాన్ని చూసిన తర్వాత, రాజమౌళి కూడా తన వెర్షన్పై దృష్టి సారించి, పనులు మొదలుపెట్టి ఉంటారని విశ్లేషకులు భావిస్తున్నారు.
రాజమౌళి తండ్రి, స్టార్ రైటర్ విజయేంద్ర ప్రసాద్ చాలా కాలంగా ఈ ఇతిహాసంపై పరిశోధన చేస్తున్నట్లు సమాచారం. బహుశా ఆ పనులు ఓ కొలిక్కి రావడం వల్లే, రాజమౌళి నవంబర్ అప్డేట్ గురించి మహేష్ వద్ద అంత ధీమాగా ప్రస్తావించి ఉండొచ్చు. ఏది ఏమైనా, భారతీయ తెరపై అతిపెద్ద సినిమాటిక్ ఈవెంట్కు రంగం సిద్ధమవుతోందని ఈ లీక్తో తేలిపోయింది.