కార్తికేయ 2తో పాన్-ఇండియా స్థాయిలో గుర్తింపు తెచ్చుకున్న హీరో నిఖిల్, ఆ తర్వాత వరుసగా వచ్చిన స్పై, అప్పుడో ఇప్పుడో ఎప్పుడో ఫ్లాప్స్తో కాస్త వెనుకబడిపోయాడు. కానీ, మళ్లీ స్ట్రాంగ్ కమ్బ్యాక్ కోసం పెద్ద ప్రాజెక్టులపై దృష్టి సారించాడు.
వాటిలో మొదటిది స్వయంభు. ఈ సినిమా షూటింగ్ చాలాకాలం క్రితమే పూర్తి అయింది. కానీ రిలీజ్ డేట్ మాత్రం ఇంకా ప్రకటించలేదు. పోస్ట్ ప్రొడక్షన్ పనులు ఎక్కువ సమయం తీసుకోవడం, నాన్-థియేట్రికల్ డీల్స్ ఫైనలైజ్ కాకపోవడం వల్ల ఆలస్యం అవుతోంది.
మరోవైపు రామ్ చరణ్ ప్రొడక్షన్తో వస్తున్న ది ఇండియన్ హౌస్ ఇంకా షూటింగ్ స్టేజ్లోనే ఉంది. గతేడాది ప్రారంభమైన ఈ ప్రాజెక్ట్ పూర్తి కావడానికి ఇంకా టైమ్ పడుతుందనే టాక్ ఉంది. దీంతో ఫ్యాన్స్ మాత్రం రెండు సినిమాల అప్డేట్స్ కోసం బాగా వెయిట్ చేస్తున్నారు.
ఇదే సమయంలో నిఖిల్, ఆసియన్ సునీల్ ప్రొడక్షన్తో కొత్త సినిమా చేయబోతున్నాడని సమాచారం. ఈ ప్రాజెక్ట్ త్వరలో అధికారికంగా అనౌన్స్ అవుతుందని ఇండస్ట్రీలో టాక్ వినిపిస్తోంది.
మొత్తానికి, నిఖిల్ తర్వాతి సినిమాలపై స్పష్టమైన అప్డేట్స్ త్వరగా రావాలని అభిమానులు కోరుకుంటున్నారు. కొత్త రిలీజ్ డేట్ లేదా ఫస్ట్ లుక్ త్వరలోనే బయటకు వస్తే, అతని మార్కెట్ మళ్లీ పాజిటివ్ వైపు తిరుగుతుందని సినీ విశ్లేషకులు అంటున్నారు.