న్యూస్ డెస్క్: యువసామ్రాట్ నాగ చైతన్య నటిస్తున్న మైథికల్ థ్రిల్లర్ NC24 పై అంచనాలు గట్టిగా ఉన్నాయి. చైతు బర్త్డే (నవంబర్ 23, 10:08 గంటలకు) సందర్భంగా ఈ సినిమా టైటిల్, ఫస్ట్ లుక్ను సూపర్ స్టార్ మహేష్ బాబు లాంచ్ చేయబోతున్నట్లు ప్రకటించడం సంచలనమైంది.
ఈ అనౌన్స్మెంట్ ఒక మాస్టర్ స్ట్రోక్. మహేష్ సపోర్ట్ ఇవ్వడం వల్ల సినిమాకు ఆటోమేటిక్గా పాన్ ఇండియా బజ్ వచ్చింది. NC24 ఒక లోకల్ సినిమా కాదనే సిగ్నల్ను టీమ్ మొదటి ప్రమోషన్ స్టెప్లోనే ఇచ్చేసింది.
ఈ ట్రెజర్ హంటర్ ఫాంటసీ థ్రిల్లర్కు కార్తీక్ దండు (విరూపాక్ష ఫేమ్) దర్శకత్వం వహిస్తున్నారు. సుకుమార్ రైటింగ్స్, SVCC వంటి పెద్ద బ్యానర్లు దీనిని భారీ బడ్జెట్తో నిర్మిస్తున్నాయి. కాబట్టి సినిమా క్వాలిటీపై నమ్మకం ఉంది.
చైతు సరసన మీనాక్షి చౌదరి హీరోయిన్గా నటిస్తుండగా, ‘లాపతా లేడీస్’ యాక్టర్ స్పర్శ్ శ్రీవాస్తవ విలన్గా చేస్తున్నారు. పర్ఫెక్ట్ కాస్టింగ్, స్ట్రాంగ్ టెక్నికల్ టీమ్ ఈ సినిమాకు పెద్ద ప్లస్ పాయింట్స్.
నాగ చైతన్య కెరీర్లో ఇదొక గేమ్ ఛేంజర్ అయ్యే అవకాశం ఉంది. రేపు ఉదయం NC24 టైటిల్, ఫస్ట్ లుక్ ఎలాంటి ట్రెండ్ సెట్ చేస్తుందో అని అభిమానులు ఆసక్తిగా ఎదురుచూస్తున్నారు.