న్యూస్ డెస్క్: భారతదేశ చరిత్రలో ఎమర్జెన్సీ ఒక చీకటి అధ్యాయమని, ఆ రోజులు మరచిపోలేనివని ప్రధాని నరేంద్ర మోదీ అన్నారు. ఎమర్జెన్సీ విధించి 50 ఏళ్లు పూర్తైన సందర్భంగా ఆయన స్పందించారు.
ఈ రోజు ‘సంవిధాన్ హత్యా దినం’గా గుర్తు చేసుకుంటున్నామని మోదీ అన్నారు. అప్పటి పాలకులు రాజ్యాంగ విలువలను తుంగలో తొక్కారని ఆరోపించారు.
ప్రాథమిక హక్కులను కాలరాసి, పత్రికా స్వేచ్ఛను అణచివేశారని విమర్శించారు. రాజకీయ నాయకులు, సామాన్యులు సహా ఎంతో మందిని అన్యాయంగా అరెస్ట్ చేశారని పేర్కొన్నారు.
ఎమర్జెన్సీ రోజుల్లో ప్రజాస్వామ్యం అరెస్టులో పడిపోయిందని మోదీ వ్యాఖ్యానించారు. అప్పుడు ప్రజలు చేసిన పోరాటాన్ని ఆయన కొనియాడారు.
ఈ సందర్భంగా మోదీ “ది ఎమర్జెన్సీ డైరీస్” అనే పుస్తకాన్ని వెలువరించనున్నట్లు తెలిపారు. ఆర్‌ఎస్‌ఎస్ ప్రచారక్‌గా తన అనుభవాలు ఇందులో పొందుపరిచినట్లు వివరించారు.
ఈ పుస్తకం ద్వారా నాటి అసలు సత్యాలు, అసహన పాలనకు వ్యతిరేకంగా జరిగిన పోరాట చరిత్ర ప్రజలకు తెలియజేస్తామన్నారు.