న్యూస్ డెస్క్: మహిళల వన్డే ప్రపంచకప్లో చరిత్ర సృష్టించిన భారత క్రికెట్ జట్టును ప్రధానమంత్రి నరేంద్ర మోదీ అభినందించారు. తొలిసారి కప్ గెలిచి దేశం గర్వపడేలా చేసిన అమ్మాయిలతో బుధవారం ఢిల్లీలోని తన నివాసంలో ఆత్మీయంగా సమావేశమయ్యారు.
ఈ సందర్భంగా ప్రధాని జట్టు సభ్యులందరినీ ప్రత్యేకంగా ప్రశంసించారు. “ఈ విజయం భారత మహిళల ప్రతిభకు నిదర్శనం. మీరు కేవలం ట్రోఫీ కాదు, కోట్లాది భారతీయుల హృదయాలను గెలుచుకున్నారు” అని ఆయన కొనియాడారు.
ఈ సరదా భేటీలో, యువ క్రికెటర్ హర్లీన్ దియోల్ ప్రధానిని ఓ అనూహ్యమైన ప్రశ్న అడిగారు. “సార్! మీ స్కిన్కేర్ రహస్యం ఏమిటి? మీరు ఎప్పుడూ ఇంత కాంతితో (గ్లో) ఎలా ఉంటారు?” అని అడిగారు.
హర్లీన్ ప్రశ్నకు ప్రధాని మోదీ ఆశ్చర్యపోయి, నవ్వేశారు. అనంతరం తనదైన శైలిలో, “దీనికి ప్రత్యేకమైన స్కిన్కేర్ ఏమీ లేదు… సేవా భావమే నా గ్లోకు కారణం!” అని చమత్కారంగా సమాధానమిచ్చారు.
మోదీ సమాధానంతో అక్కడి వాతావరణం మరింత ఉల్లాసంగా మారింది, క్రీడాకారులంతా నవ్వుల్లో మునిగిపోయారు. ఈ సరదా సంభాషణ ఇప్పుడు సోషల్ మీడియాలో వైరల్గా మారింది.