నటి హన్సిక మోత్వానీకి ముంబై హైకోర్టులో ఎదురుదెబ్బ తగిలింది. ఆమెపై నమోదైన గృహ హింస కేసు ఎఫ్ఐఆర్ను రద్దు చేయమని వేసిన పిటిషన్ను కోర్టు తోసిపుచ్చింది. దీంతో హన్సికపై విచారణ కొనసాగనుంది.
ఈ కేసు 2021లో ప్రారంభమైంది. హన్సిక సోదరుడు ప్రశాంత్ మోత్వానీ, టీవీ నటి ముస్కాన్ నాన్సీ జేమ్స్ను వివాహం చేసుకున్నారు. కానీ కొద్ది కాలానికే ఇద్దరి మధ్య విభేదాలు తలెత్తాయి. 2023 డిసెంబరులో నాన్సీ, హన్సిక మరియు ఆమె తల్లి జ్యోతి మీద గృహ హింస చట్టం కింద ఎఫ్ఐఆర్ దాఖలు చేశారు.
నాన్సీ తన ఫిర్యాదులో 498A, 323, 352 సెక్షన్లను ప్రస్తావించారు. తాను బెల్స్ పాల్సీ బారినపడటానికి గృహ హింసే కారణమని పేర్కొన్నారు. అంతేకాక మోత్వానీలు తనపై ఆర్థిక ఒత్తిడి తెచ్చారని ఆరోపించారు.
హన్సిక మాత్రం ఎఫ్ఐఆర్లో తన పేరు రావడంపై షాక్ అయ్యానని కోర్టులో తెలిపింది. తాను కేసుతో ఎలాంటి సంబంధం లేనప్పటికీ ఇందులో లాగారని పేర్కొంది. ఈ నేపథ్యంలో హన్సిక, ఆమె తల్లి జ్యోతి ముందస్తు బెయిల్ పొందారు.
ఏప్రిల్లో ఎఫ్ఐఆర్ను రద్దు చేయమని హైకోర్టులో పిటిషన్ దాఖలు చేశారు. కానీ మంగళవారం హైకోర్టు దాన్ని తోసిపుచ్చింది. దీంతో హన్సిక, జ్యోతి పై విచారణ కొనసాగనుంది.
మొత్తం మీద హన్సికకు ఇది పెద్ద ఇబ్బందిగా మారింది. ఈ కేసు ఇంకా ఏ దిశలో సాగుతుందో చూడాలి.