రంగారెడ్డి జిల్లా: మీర్జాగూడలో జరిగిన ఘోరం రాష్ట్రాన్ని కదిలించింది. 25 మందికి పైగా ప్రయాణికులను బలితీసుకున్న ఈ ప్రమాదంలో తప్పు ఎవరిది? కంకర లారీ డ్రైవర్దా, లేక ఆర్టీసీ డ్రైవర్దా?
ఉపరితలానికి కనిపిస్తున్న కారణాలు ఇవే. అతివేగం, నిర్లక్ష్యం ప్రాణాలు తీశాయని అందరూ అంటున్నారు. కానీ, ఈ దారుణం వెనుక కంటికి కనిపించని, వ్యవస్థాగతమైన లోపాలు చాలానే ఉన్నాయి.
ప్రమాద సమయంలో 52 సీట్ల బస్సులో 70 మందికి పైగా ఉన్నారు. ఎందుకింత రద్దీ? ‘మహాలక్ష్మి’ పథకం తర్వాత గ్రామీణ రూట్లలో సర్వీసులు తగ్గడమే దీనికి కారణమా అనే ప్రశ్న తలెత్తుతోంది.
దీనికి తోడు చేవెళ్ల రహదారి ఓ మృత్యుమార్గంగా మారింది. 170% ట్రాఫిక్ పెరిగినా, రాజకీయ వివాదాలు, కోర్టు కేసుల వల్ల రోడ్డు విస్తరణ పనులు ఏళ్ల తరబడి ఆగిపోయాయి.
సన్నటి రోడ్డు, పెరిగిన రద్దీ, తగ్గిన బస్సులు, ఓవర్లోడ్ లారీ.. ఇవన్నీ కలిసే 25 మంది ప్రాణాలను తీశాయి. ఇది కేవలం డ్రైవర్ల తప్పిదం కాదు, పాలకుల నిర్లక్ష్యం, వ్యవస్థ వైఫల్యం.
బాధ్యత ఎవరిదంటే.. ఈ ప్రమాదానికి కారణమైన ప్రతీ లోపం, ఆ లోపాలను పట్టించుకోని ప్రతీ అధికారి, నాయకుడిది. ఈ విషాదం భవిష్యత్తుకైనా గుణపాఠం కావాలి.