న్యూస్ డెస్క్: యాంకర్ శివజ్యోతి తిరుమలలో ప్రవర్తించిన తీరుపై తిరుమల తిరుపతి దేవస్థానం (టీటీడీ) కఠిన చర్య తీసుకుంది. స్వామివారి ప్రసాదం గురించి ఆమె చేసిన అనుచిత వ్యాఖ్యలు వైరల్ కావడంతో, ఆమెపై శాశ్వత దర్శన నిషేధం విధించింది.
నేటి కాలంలో ప్రతి సంఘటనను వీడియో తీసి రీల్గా మార్చి పోస్ట్ చేయడం ట్రెండ్గా మారింది. అయితే తిరుమల వంటి పవిత్ర క్షేత్రంలో సైతం రీల్స్ చిత్రీకరణ లైవ్ వీడియోలు పెరిగిపోతుండటం ఆందోళన కలిగిస్తోంది.
యాంకర్ శివజ్యోతి క్యూ లైన్లో అన్నప్రసాదం గురించి చేసిన వ్యాఖ్యలు భక్తుల భక్తి భావాలను దెబ్బతీసేవిగా టీటీడీ పరిగణించింది. ఈ వ్యాఖ్యలను టీటీడీ నిబంధనలకు విరుద్ధమైనవిగా గుర్తించారు.
ఈ ఘటనపై విచారణ జరిపిన టీటీడీ, ఆలయ పవిత్రతను భక్తుల మనోభావాలను కాపాడేందుకు శివజ్యోతిపై శాశ్వత ప్రవేశ నిషేధం విధించింది. ఈ చర్య తిరుమల ఆలయ గౌరవాన్ని కాపాడేందుకు తీసుకున్న కీలక నిర్ణయంగా భావిస్తున్నారు.
తాము సోషల్ మీడియా కోసం ఏమి చేసినా అది ఆమోదించబడుతుందని భావించే ఇన్ఫ్లూయెన్సర్లుకు దేవాలయాల్లో నియమరహిత స్వేచ్ఛ ఉండదని టీటీడీ స్పష్టం చేసింది. పవిత్ర ప్రదేశాల్లో నియమాలు అందరికీ సమానమే అనే సందేశాన్ని ఇచ్చింది.
శివజ్యోతి ఘటన ఇప్పుడు మిగతా సోషల్ మీడియా వినియోగదారులు ప్రభావశీలురుకు ఒక గట్టి హెచ్చరికగా నిలుస్తోంది. దేవాలయ పవిత్రతకు భంగం కలిగిస్తే చర్యలు తప్పవు.